انا بجد مش عارف يعنى اية القصة
من اول شيرين هانم لرامى بية صبرى للى اسمة عمرو مصطفى
كل واحد عايز يسحب الضوء ناحيتة والناس تتكلم علية
ويفتكروة بعد ما كانوا ناسينة
يجيب سيرة تامر
وياريت بيجيبوها بالخير
لا لازم يهاجموا وبقلة ادب وبجاحة وبدون ذوق كمان
اى حد بيتمحك فى تامر ..فتامر لة علية فضل كبير اوى
الناس دى بتطلع على ضهر تامر
الناس دى بتفضل منسية طول السنة وقبل يومين الألبوم بتاعهم
يبتدوا يهاجموا تامر
من غير اى سبب ولا تامر بيكون عمل حاجة ولا حصل اى حاجة
لكن لازم يهاجموا تامر عشان ياخدوا السوكسية التمام
شيرين هانم ....خليها تاكلك اللى انتى هاجمتيها دى
مش عارف انا هو كان تامر مغنيهالك انتى ولا اية بس ما علينا
خليها تاكلك دى متذاعة من اكتر من 5 شهور
شيرين مافتكرتش تنتقدها غير بس ساعة نزول البومها
عشان الشمس كلها تروح ناحيتها والناس تفتكر واحدة اسمها شيرين
وتسحب الضوء شوية
حاربناها وعملنا مقاطعة وكسبنا الحمد لله
عمرو مصطفى كل ما يتنسى ويحس انة بعيد
بدل ما يفكر الناس بية بسينجل او كليب او اى داهية بعيد عننا
يقوم يهاجم تامر ويغلط فى جمهور تامر
يعنى هو مابقاش فية فى الدنيا غير تامر اللى تغلط فية
وجمهور تامر اللى عمرة ما هيسمعلك ولا يحضرلك حفلة دة لو بتعمل حفلات اساسا عشان تتكلم علينا
احنا اهل تامر وناسة لا هو يقبل علينا حاجة زى دى ولا احنا نقبل علية حاجة زى دى
ماينفعش كل برامجك وحواراتك الصحفية ولقاءاتك تبقى كلها عن تامر
دة بيدل ان عندك نقـــص كبير وعقدة عمرها ما هتتحل اسمها تامر حسنى
البوم رامى صبرى قرب ينزل
نفس الحوار ...نضرب فى تامر شوية بقى ونبجح ونقل ادبنا
من غير سبب ..من غير حتى ما تامر يعمل اى حاجة ولا يذكر اسم رامى لا بالخير ولا بالشر
بس طب الأصل لازم يظهر فى حالة زى دى ..ونهجم بقى على تامر عشان نلفت نظر الجمهور شوية
رامي الذي يزور الكويت حاليا للمشاركة في احتفالية برنامج "رايكم شباب" بعامه الثالث اشاد بالدويتو متوجها بالشكر الي اصالة التي وصفها بالفنانة الجميلة التي يمثل وقوفها بجانبه اضافة كبيرة في مشواره الفني وترسيخ أقدامه في الوطن العربي.
وبرر اسباب استعانته بعدد كبير من البودي جارد في حفلاته مما أثار انتقادات عدد كبير من النقاد ووسائل الاعلام مؤكدا ان السبب في ذلك هو منع المعجبات من احتضانه أو تقبيله، وحتى لا يقال انه يدفع اموالا نظير صعود المعجبات على المسرح لذا يسعى للتعامل بذكاء مع الجمهور حتى لا يحرج أحد لذا لا تشهد حفلاته أي مهاترات.
كما أكد رامي لأنه لا تهمه الالقاب، بل يهمه رضا الجمهور الذي أصبح على قدر كبير من الذكاء يجعله يفهم هذه الأشياء لذا لا يقارن نفسه بأحد، وليس الشخص الذي يسعى الى الشائعات أو الخلافات مع أي أحد في الوسط الفني ولا يسئ الي احد من الكبار او يخترع لنفسه لقب بل يعرف المنطقة التي وصل اليها ويتطلع للام
وتناول رامي صبري الصراع الغنائي الحالي بين جمهور عمرو دياب وتامر حسني قائلا: "عمرو دياب هو المطرب الأول في مصر ولا مجال للمقارنة بينه وبين تامر ولا يوجد أحد في هذا الجيل يصلح للمقارنة بتاريخ فني يصل الي ربع قرن وحتى لو كان النجاح حليف أحد في البومين أو ثلاث فلا يعني ذلك ان نضعه في مقارنة مع عمرو دياب، ويجب ان يعلم الجميع أن دياب نجم كبير لا يستطيع احد المقارنة به، فنجومية دياب تختلف تماماً عن تامر لان دياب نجوميته حقيقة وليست مزيفة".
تانى بيتقال ان علاقة تامر بجمهورة تمثليلة
تانى بيتقال اننا كدابين ونصابين وكلنا كدة على بعض ممثلين
تامر لة ممثلين محترفين اوى فى كل مطار وفى كل حفلة وفى كل حتة الناس بتشوفة فيها
هو الشعب العربى كلة خريج معهد سينما ولا اية
ياناس حرام عليكو الحب ماحدش بيشترية ..الحب ماحدش بيمثلة
ماحدش فيكو كان ولا هيبقى زى تامر عشان تحسوا باللى بنحسة معاة
ماحدش عندة احساسة ولا قدرتة على كسبنا
عشان يكون عندكو جمهور زى جمهور تامر
انتو مابتشفوش حب صادق عشان تعرفوا يعنى اية حب واحترام واخوة
علاقتنا بتامر مش نجم بجمهور ..دى علاقة اخ باخواتة
نجومية تامر حسنى مش مزيفة
وانت مش حكم ولا اسطورة ولا حتى بتقرى الفنجان عشان تتكلم عن تامر وتحلل مستقبلة وعلاقتنا بية
وتقول نجوميتة مزيفة ولا مش مزيفة
جرب تبقى نص تامر وربنا هيكرمك
جرب ركز فى شغلك وماتهاجمش من غير سبب وربنا هيكرمك
مع ان دة ميتهياليش خالص
يا جماعة بجد انا بقيت بخاف على تامر
حقيقى لو جبل كان اتهد
هجوم غير مبرر بالمرة من رامى صبرى
وقت نزول البومة
سيناريو بقى معروف وممل ووقح ومالوش اى لازمة
عايزين يجرجروا تامر لحرب شوارع وتصريحات
عمرنا ما شفنا تامر طلع من غير سبب شتم فى زميل لة
عمرنا ما شفنا تامر قلل من حد تانى
عمرى ما انسى محنة فلسطين وخنقتنا كلنا
وكل المواقع التانية والفنانين التانيين عايشين فى العسل
وتامر عمل زيارة لفلسطين وكان اول واحد عمل اغنية لفلسطين
اغنية ترابك يا فلسطين اللى اثرت فينا كلنا
موقف رجولى على حق
دى المواقف اللى نعرفها ونفهمها ونصدقها
مين قاعد فى سريرة مستخبى ومين راح مكان كل واحدج فينا وغنى واتبرع وعبر عننا
ومكانش عايز حد يعرف باللى حصل دة كمان
تامر بينكر نفسة من عظمتة
والتانيين بينكروا تامر من انحطاطهم
تامر هاتكلم معاك هنا ادام الناس
تامر اخويا ....انت سبب عشان احنا نلاقى حد يعبر عننا ..حد لما بنحتاجة بنلاقية
اخ بجد لكل واحد فينا كلنا بنحترمة وبنحبة وبنعشقة
واحنا سبب عشان ندافع عنك ونرد على كل اللى مش عارفين يبقوا زيك
انت طالب مننا نقول راينا فى شغلك ونكون معاك فى كل مكان ونحترم اى فنان تانى
واحنا طالبين منك تركز فى شغلك وتبدع اكتر واكتر وماتغيبش عننا ياتامر
وماتدخلش باى شكل من الأشكال فى الحرب القذرة دى ..حرب اللا سبب
انت اكبر من كدة بكتير يا تامر
انت ماثر فينا كلنا ..حتى فى اللى بيكرهوك
عشان انت عملت اللى ماحدش عملة ولا هيعملة
انت شايل اسم كل واحد فينا ..انت عندك احنا ياتامر
جمهورك ..ملايكتك ..اخواتك...حبايبك
هنكبرك وهنرفع راسك والكل هيحترمك غصب عنة ياتامر
عايزين نستفيد من اللى بيحصل دة ياجماعة من ناحيتين
اول حاجة نقاطع كل اللى بيهاجموا تامر فى كل حاجة بيعملوها
البومات ..حفلات ...مواقع ..كل حاجة كل حاجة
ودايما افتكروا ان البادى اظلم
وفى نفس الوقت نركز اوى مع التصويتات اللى فيها تامر
لازم نكسبة كل التصويتات اللى نقدر عليها
طبعا طبيعى كلنا بنحضر كل حفلات تامر من غيرم ناقشة
نتواجد فى الرابطة ونكلم تامر ونوصل لتامر
وكل واحد فينا يشوف تامر يقولة الرابطة كلها وراك ومعاك
ومفيش تصريح ولا اى حاجة ياثروا فيك ياتامر
ومفيش حاجة تقدر تكسرك طول ماحنا ايد واحدة
الناس دى بتغلط فينا قبل ما بتغلط فيك
حقنا مابنسيبوش وحقك مابنفوتوش
كل حاجة اتعلمناها منك وكل احساس قوى خدناة منك
عايشين بية ياتامر
السبت أغسطس 22, 2009 12:36 am
